Avtobus zolağı çəkiləndən sonra Bakı-Sumqayıt yolunda vəziyyət necədir? - VİDEO

Bakı-Sumqayıt yolunda yeni çəkilən avtobus zolağı sürücülər arasında narazılıq yaradıb. Əvvəllər dörd zolaqla hərəkət edən avtomobillər indi üç zolaqla irəliləyirlər ki, bu da tıxacları daha da artırıb.

Avtosfer.az xəbər verir ki, sürücülərin sözlərinə görə, əvvəllər 20 dəqiqəyə qət etdikləri məsafəni indi ikiqat vaxta gedirlər.

Onlar bildirirlər ki, həmin yolda daim tıxac olub. Lakin zolaq sayının azaldılmasından sonra vəziyyət daha da xaotik hal alıb.

Ekspertlər isə deyirlər ki, həmin istiqamətdə yaşayış məntəqələrinin çoxluğu nəqliyyat axınını artırır. Ekspertlər problemin həlli kimi vətəndaşların ictimai nəqliyyata üstünlük vermələrini görürlər.

Qeyd edək ki avtobuslar əvvəllər Moskva prospekti-Biləcəri enişi və dairəsi kimi tanınan ərazidən keçməklə Sumqayıt-Masazır-Xırdalan istiqamətində hərəkət edirdilər.

Mövzu ilə bağlı daha ətraflı videomaterialı təqdim edirik: