Avtobusda partlayış nəticəsində 6 nəfər yaralanıb

Bazar ertəsi Qvatemalanın eyniadlı paytaxtında sərnişin avtobusunun salonunda partlayıcı qurğu işə düşüb. Nəticədə 6 nəfər yaralanıb. Avtosfer.az “Report”a istinadən xəbər verir ki, bu barədə ölkənin milli mülki polisi məlumat yayıb.

İlkin məlumata görə, daha çox partlayıcı qurğunu işə salan 19 yaşlı qız zərər çəkib. "Prensa Libre" portalı qeyd edir ki, çox güman o, sürücünü qorxudaraq onun pullarını əlindən almaq istəyib və partlayış təsadüfən olub. Bununla belə yerli polis qızın hansısa cinayətkar qruplaşmaya aid olub-olmadığını hələ müəyyən etməyib. Hazırda yaralı xəstəxanadadır və o, hər iki qolunu itirib.