Avtobuslar marşrut xətti üzrə hərəkət edir - VİDEO

Qara Qarayev prospekti istiqamətində avtobuslar marşrut xətti üzrə fəaliyyət göstərir. Avtosfer.az xəbər verir ki, bunu Trend-ə Bakı Nəqliyyat Agentliyi mətbuat katibi Mais Ağayev deyib.

M.Ağayev bildirib ki, hazırda “Dakar” dairəsində hərəkət normaldır: "Müntəzəm marşrut xətti üzrə avtobuslar və digər nəqliyyat vasitələri rahat şəkildə dairəyə daxil olaraq hərəkətlərini davam etdirirlər. Həmçinin Qara Qarayev prospektinin B.Nuriyev küçəsi ilə kəsişməsinədək yolda da hərəkət normaldır".

O əlavə edib ki, “Dakar” dairəsindən metronun "Qara Qarayev" stansiyası istiqamətində avtobuslar marşrut xətti üzrə fəaliyyət göstərir.

Qeyd edək ki, bundan əvvəl Bakının Nizami rayonu ərazisindəki "Diqlas" ticarət mərkəzində baş vermiş yanğınla əlaqədar olaraq Qara Qarayev prospektində avtomobillərin hərəkəti məhdudlaşdırılmışdı.