Avtobuslar təhlükəsizlik yastığı ilə təchiz oluna bilər

Rusiyanın Yol Hərəkətinin Təhlükəsizliyi üzrə Dövlət Müfəttişliyi sərnişin avtobuslarını təhlükəsizlik yastıqları ilə təchiz etməyi təklif edir. Avtosfer.az-ın Trend-ə istinadən məlumatına görə, qurumda hesab edirlər ki, təhlükəsizlik kəmərləri sərnişinlərin yol-nəqliyyat hadisələrinin ağır nəticələrindən qorunması üçün kifayət etmir. Həmçinin avtobuslarda karkasın möhkəmləndirilməsi və oturacaqların bərkidilməsinin vacibliyi bildirilir.

Müvafiq təkliflər Texniki Tənzimlənmə və Metrologiya üzrə Federal Agentliyə təqdim olunub.