Avtomobil nömrələri oğurlayan şəxslər saxlanılıb

Bakıda silsilə oğurluqlar edən şəxslərin digər cinayət əməlləri də aşkar edilib. Daxili İşlər Nazirliyinin mətbuat xidmətindən Avtosfer.az-a verilən xəbərə görə, oğurluq etdiyinə görə tutulan S.Əliyevin ətrafında Xəzər Rayon Polis İdarəsinin 2-ci və Sabunçu Rayon Polis İdarəsinin 14-cü Polis Bölmələrinin əməkdaşları tərəfindən aparılan əməliyyat tədbirləri nəticəsində onun Binə qəsəbəsindəki evlərin birindən 800 manat oğurlaması da müəyyən edilib. Eləcə də, S.Əliyevin və narkotik vasitə ilə tutulan Z.Əliyevin ətraflarında aparılan əməliyyat tədbirləri ilə onların “Mercedes” markalı avtomobilin dövlət qeydiyyat nişanlarını oğurlamaları da müəyyənləşib.

Namiq