Avtomobil yollarının layihələndirilməsi ilə bağlı elektron portal yaradılacaq

Avtomobil yollarının layihələndirilməsi ilə bağlı elektron portal yaradılacaq. Avtosfer.az Azərtac-a istinadən xəbər verir ki, bu barədə “Azərbaycanda yol hərəkətinin təhlükəsizliyinə dair 2019-2023-cü illər üçün Dövlət Proqramı”nda bildirilir. Belə ki, 2020-ci ilin sonunadək “Avtomobil yollarının layihələndirilməsi, tikintisi, təmiri və yenidən qurulması zamanı təşkilatlararası əlaqələndirmə” elektron portalının yaradılması nəzərdə tutulur. Portalın yaradılması Fövqəladə Hallar və Daxili İşlər nazirlikləri, Dövlət Şəhərsalma və Arxitektura Komitəsi, Azərbaycan Avtomobil Yolları Dövlət Agentliyi, “Azərişıq” və “Azərsu” ASC-lərə, “Azəriqaz” İB və Bakı Nəqliyyat Agentliyinə tapşırılıb.