Avtomobildən dərman preparatları aşkarlanıb

Gömrükçülər dərman preparatları aşkarlayıblar. Dövlət Gömrük Komitəsinin Mətbuat və ictimaiyyətlə əlaqələr idarəsindən Avtosfer.az-a bildirilib ki, Şimal Ərazi Baş Gömrük İdarəsinin Əməliyyat və Təhqiqat şöbəsinə daxil olan məlumat əsasında Rusiya Federasiyası istiqamətindən "Samur" gömrük postunun idxal gömrük nəzarəti xəttinə daxil olan Azərbaycan vətəndaşının idarə etdiyi "Opel Astra" markalı nəqliyyat vasitəsi saxlanılıb və gömrük baxışı keçirilib. Yoxlama zamanı nəqliyyat vasitəsinin arxa yük üçün nəzərdə tutulan yerin sol boşluq hissəsindən gömrük orqanlarınaa bəyan edilməyən üzərində "Karpazim 35 PE/ml "yazısı olan 52 ampula dərman vasitəsi aşkarlanıb.

Faktla bağlı araşdırma aparılır.

Namiq