Avtomobildən silah tapılıb - FOTO

Biləsuvar rayon sakininin avtomobilində silah aşkarlanıb. DİN-in Mətbuat xidmətinin Lənkəran regional qrupundan Avtosfer.az-a məlumat verilib. Belə ki, Biləsuvar rayon Polis şöbəsinin əməkdaşları tərəfindən rayonun Bəydili kənd sakini, əvvəllər məhkum olunmuş Məlik Əzizov idarə etdiyi "VAZ-2107" markalı avtomobillə saxlanılıb. Avtomobilə keçirilən baxış zamanı qabaq oturacağın altından 16 kalibrli lüləsi və qundağı kəsilmiş "Abrez" tipli nömrəsi silinmiş tüfəng aşkar edilərək götürülüb.

Faktla bağlı araşdırma aparılır.