Avtonom avtomobillər qəza riskini azaldacaq? – Ekspertdən AÇIQLAMA

Avtonom avtomobillərin inkişafı nəqliyyatda insan amilindən qaynaqlanan risklərin azaldılması baxımından yeni imkanlar yaradır.
Avtosfer.az xəbər verir ki, süni intellekt və sensor sistemləri ilə təchiz olunan pilotsuz avtomobillər yol vəziyyətini fasiləsiz təhlil edərək təhlükələri əvvəlcədən müəyyənləşdirə bilir.  Bəs bu texnologiyalar yol-nəqliyyat hadisələrinin sayının azalmasına nə dərəcədə təsir göstərə bilər?

Mövzu ilə bağlı nəqliyyat eksperti Eldəniz Cəfərli sosial şəbəkə hesabında paylaşim edərək bildirib ki, avtonom nəqliyyat vasitələrinin ən böyük üstünlüklərindən biri insan amilindən qaynaqlanan risklərin azalmasıdır:

''Yol-nəqliyyat hadisələrinin əksəriyyəti sürücünün diqqətsizliyi, yorğunluğu, sürət həddini aşması və digər qayda pozuntuları nəticəsində baş verir. Süni intellekt və sensor sistemləri ilə təchiz olunmuş pilotsuz, avtonom avtomobillər isə yol vəziyyətini fasiləsiz təhlil edə, təhlükələri əvvəlcədən müəyyənləşdirə və saniyənin çox kiçik hissəsində qərar qəbul edə bilir. Bu isə ağır yol-nəqliyyat hadisələrinin sayının azalması baxımından real imkanlar yaradır''.

Fatimə