Axtarışda olan azərbaycanlı saxlanılıb

Rusiyada axtarışda olan azərbaycanlı, 1978-ci il təvəllüdlü Əliyev Nuru Baxşı oğlu Qazaxıstanın Pavlodar şəhərində saxlanılıb. Avtosfer.az-ın “Report”a istinadən verdiyi məlumata görə, saxlanılan azərbaycanlı quldurluq və oğurluq cinayətlərini törədən mütəşəkkil dəstənin üzvü olması ilə ittiham olunur. Onunla bərabər digər azərbaycanlı da axtarışa verilib. Saxlanılan azərbaycanlının Rusiyanın hüquq-mühafizə orqanlarına təhvil verilməsi nəzərdə tutulub.