Azərbaycan, Rusiya və İran arasında ortaq dəmir yolu müzakirə olundu

Azərbaycan, Rusiya və İran arasında dəmir yolunun birləşdirilməsi layihəsinin həyata keçirilməsi qərara alınıb. Avtosfer.az-ın Trend-ə istinadən xəbər verir ki, bunu Rusiyanın energetika naziri Aleksandr Novak İranın İsfahan şəhərində keçirilən İran və Rusiya İqtisadi və Ticarət Əməkdaşlığı Birgə Komissiyasının 15-ci iclasında deyib.

Nazir bununla əlaqədar İran, Azərbaycan və Rusiya rəsmiləri arasında üçtərəfli görüşün yüksək səviyyədə keçəcəyinə ümid etdiyini qeyd edib.

A.Novak daha sonra əlavə edib ki, Rusiya və İran arasında kənd təsərrüfatı məhsullarının nəqli məqsədilə dəniz nəqliyyat xəttinin yaradılması planlaşdırılıb.

Daha sonra İran və Rusiya arasında ticarət dövriyyəsinin artdığını qeyd edən rusiyalı nazir bildirib: "2019-cu ilin 21 mart - 20 aprel tarixləri arasında İran Rusiyaya 26 milyon dollar dəyərində məhsul ixrac edib, Rusiyadan isə 62 milyon dollar dəyərində məhsul idxal edib. Ötən ilin analoji dövrü ilə müqayisədə məhsul ixracı 9%, idxalı isə 62% azalıb".