Azərbaycanda kütləvi ixtisar: 1000 nəfər işsiz qaldı

Gəncə şəhər Mənzil‑Kommunal Təsərrüfatı İstehsalat Birliyində (MKTİB) əməkdaşların kütləvi şəkildə işdən çıxarılması ilə bağlı narahatedici məlumatlar daxil olub.

Avtosfer.az xəbər verir ki, son aylarda 1000-dən çox işçi “öz xahişi ilə işdən çıxma” ərizəsi yazmağa məcbur edilib.

Şikayətçilər bildirirlər ki, əks halda əmək müqavilələrinin qanunsuz şəkildə ləğv ediləcəyi ilə bağlı hədələr gəlib.

Məsələ ilə bağlı adıçəkilən qurumla bir neçə dəfə əlaqə saxlamağa cəhd etsək də, rəsmi açıqlama almaq mümkün olmayıb./Bakıvaxtı.az/