“Azərbaycanın nəqliyyatı: nailiyyətlər, problemlər və perspektivlər” - FOTO

Aprelin 16-da Azərbaycan Respublikası Təhsil Nazirliyi, Nəqliyyat Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti, Azərbaycan Texniki Universitetinin birgə təşkilatçılığı ilə “Azərbaycanın nəqliyyatı: nailiyyətlər, problemlər və perspektivlər” mövzusunda Respublika Elmi konfransının açılış mərasimi keçirilib.

Dövlət Avtomobil Nəqliyyatı Xidmətindən (DANX) Avtosfer.az-a verilən məlumata görə, tədbirdə ictimai xadimlər, Azərbaycanın nəqliyyat, elmi-tədqiqat və ali təhsil müəssisələrinin, dövlət orqanlarının, biznes strukturlarının, qeyri-hökumət təşkilatlarının, kütləvi informasiya vasitələrinin nümayəndələri iştirak ediblər.

Plenar iclası giriş sözü ilə açan Azərbaycan Texniki Universitetinin rektor əvəzi, professor Xalıq Yahudov konfransın əhəmiyyətindən danışıb. Rektor ölkə iqtisadiyyatının infrastruktur sahələri olan enerji, rabitə, təhsil, səhiyyə ilə yanaşı, nəqliyyatın sosial, iqtisadi sferada mühüm rol oynadığını bildirib.

Konfransda çıxış edən Dövlət Avtomobil Nəqliyyatı Xidmətinin rəisi Həbib Həsənov Azərbaycanın nəqliyyat sisteminin son nailiyyətlərini, aktual problemlərini, inkişaf perspektivlərini konfrans iştirakçılarının diqqətinə çatdırıb.

Plenar iclasdan sonra konfransın 5 bölmə üzrə iclasları keçiriləcək və aprelin 17-də konfrans öz işini yekunlaşdıracaq.

Namiq