“Azurair” aviaşirkətinə məxsus “Boeing” təcili eniş edib

Krasnoyarsk - Phuket marşrutu üzrə hərəkət edən “Azurair” aviaşirkətinə məxsus “Boeing” təyyarəsi Çinin Çendu hava limanına təcili eniş edib.

Avtosfer.az xəbər verir ki, bu barədə “İnterfaks” aviaşirkətin mətbuat xidmətinə istinadən məlumat yayıb.

Təyyarədə 236 sərnişin olub. Eniş ştat rejimində həyata keçirilib.

Məlumatda həmçinin bildirilir ki, komandir təyyarədə yaranan texniki nasazlıq səbəbindən bu qərarı verib.

Sərnişinlər sosial şəbəkə vasitəsilə bildiriblər ki, hava gəmisi 4 saatdan çoxdur ki, çin aeroportunda dayanıb.

Onların yazdıqlarına görə, heç kimi hava limanının binasına buraxmırlar.

Krasnoyarsk aeroportunun mətbuat xidmətindən isə bildiriliblər ki, təyyarə uçuş qabağı yoxlanışdan keçib.

Namiq