Babək prospektində hərəkət bərpa olundu - FOTO

Babək prospektində asfalt-beton örtüyünün yatmış hissəsinin bərpası işləri artıq yekunlaşıb və həmin hissə üzrə hərəkət bərpa olunub. Avtosfer.az-ın Trend-ə istinadən məlumatına görə, bunu Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli deyib.

---- 16:16

Babək prospektində yaranan problem iş gününün sonuna, yəni saat 6-a qədər aradan qaldırılacaq. Bunu Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli deyib. Mətbuat xidmətinin rəhbəri qeyd edib ki, sözügedən yolda heç bir çökmə baş verməyib: “Babək prospekti, təqribən 80-ci illərdə salınıb. O vaxta qədər bura neft tullantıları ərazisi olub. Prospektin o vaxtlar həmin tullantılar üzərindən salınması da bu gün yolun müəyyən hissələrində asfalt-beton örtüyünün deformasiyaya uğramasına səbəb olub. Hazırda ərazidə əməkdaşlarımız tərəfindən bərpa işləri görülür. Yaranmış problem təqribən saat 6-ya qədər yekunlaşacaq”.