Babək prospektində su borusu partladı – FOTO

Bakıda su borusu partlayıb. Avtosfer.az-ın ONA-ya istinadən verdiyi məlumata görə, hadisə paytaxtın Babək prospektində qeydə alınıb. Su xəttinin partlaması nəticəsində ətrafı su basıb və prospektdə nəqliyyatın hərəkətində sıxlıq yaranıb. Baş vermiş qəzanın aradan qaldırılması istiqamətində tədbirlər davam etdirilir.

“Azərsu” ASC-nin mətbuat xidmətinin rəhbəri Anar Cəbrayıllı bildirib ki, sözügedən ərazidən bir neçə magistral xətt keçir və qəza həmin xətlərdən birində baş verib:  “Anbardan həmin xəttə suyun verilməsini dayandırmışıq. Hazırda problem tam aradan qaldırılıb. Xəttə suyun verilişi və hidravlik rejim bərpa edilib. Hadisə ilə əlaqədar ərazidə yaşayan sakinlərə icməli suyun verilişində problem yaşanmayıb”.