Bakı metrosunda problem: qatar tuneldə qaldı

Bakı metrosunda yenə problem yaranıb. Avtosfer.az xəbər verir ki, oxucuların milli.az-a verdikləri məlumata görə, bu gün axşam saat təxminən 18.50 radələrində qatar "Xalqlar dostluğu" ilə "Əhmədli" arasında 8 dəqiqə tuneldə qalıb. "Əhmədli"yə çatdıqdan sonra qatar "Həzi Aslanov" istiqamətində də çox aşağı sürətlə hərəkət edib. Oxucular iddia edirlər ki, qatar "Xalqlar dostluğu"ndan "Həzi Aslanov" stansiyasına 5 dəqiqəlik məsafəni 15 dəqiqəyə qət edib.