Bakı şəhər sakininə xəsarət yetirərək soyğunçuluq törədən şəxs saxlanılıb

Bakı şəhər sakininə xəsarət yetirərək soyğunçuluq törədən şəxs saxlanılıb. Daxili İşlər Nazirliyinin mətbuat xidmətindən Avtosfer.az-a verilən məlumata görə, Binəqədi Rayon Polis İdarəsinin 40-cı Polis Bölməsinə müraciət edən Xocəsən qəsəbə sakini N.İsmayılov fevralın 11-də gecə saatlarında qəsəbə ərazisindəki kafelərin birində naməlum şəxsin onun sifətinə yumruqla vuraraq 500 manatını aldığını bildirib. Keçirilən əməliyyat-axtarış tədbirləri nəticəsində soyğunçuluğu törətməkdə şübhəli bilinən Bakı şəhər sakini T.Təmirazov saxlanılıb. Binəqədi Rayon Polis İdarəsində araşdırma aparılır.