Bakıda avtomobil qaçıran keçmiş məhkumlar yaxalandı

Bakıda vətəndaşın avtomobilini qaçıran şəxslər yaxalanıb. Avtosfer.az-ın Trend-ə istinadən məlumatına görə, hadisə paytaxtın Xətai rayonu ərazisində baş verib. Xətai rayonu, NZS qəsəbəsi, A.Qurban küçəsi ev 25-fə yaşayan, 1981-ci il təvəllüdlü Mustafayev Teymur Əliqulu oğlu polisə müraciət edərək bildirib ki, ona məxsus "Lada 2115" markalı 10-RV-715 dövlət nömrə nişanlı avtomobil evinin qarşısından gecə saatlarında qaçırılıb. Hüquq-mühafizə orqanları əməkdaşlarının keçirdikləri əməliyyat-axtarış tədbirləri nəticəsində avtomobili qaçırmış, əvvəllər məhkum olunmuş, Hacıqabul rayon sakini, 1987-ci il təvəllüdlü Cavadov Xəyal Ənvər oğlu və Bakı şəhər sakini İbrahimov Orxan Yaşar oğlu saxlanılıb. T.Mustafayevə məxsus avtomobil saz vəziyyətdə cərimə meydançasında tapılıb.

Faktla bağlı araşdırma aparılır.