Bakıda “Az avtomobil, çox həyat” adlı veloyürüş keçiriləcək

Aprelin 7-də Ümumdünya Sağlamlıq Günü ilə əlaqədar Bakıda “Az avtomobil, çox həyat” devizi altında veloyürüş keçiriləcək. Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimovanın Avtosfer.az-a verdiyi məlumata görə, yürüş ETSN və Ümumdünya Səhiyyə Təşkilatının təşəbbüsü ilə keçirilir. Yürüşün keçirilməsində məqsəd insanlara sağlam həyat tərzini aşılamaq və avtomobilsiz istirahət günü ənənəsini təbliğ etməkdir.