Bakıda divar avtomobilin üzərinə uçub - VİDEO

Səhər saatlarında Yasamal rayonu ərazisində divar avtomobilin üzərinə uçub. Avtosfer.az-ın məlumatına görə, hadisə rayonun Sübhi Salayev küçəsi 16 ünvanında baş verib. Elməddin Hüseynov avtomobilini yaxınlıqda olan obyektlərdən birinin qarşısında park edib. Qəzalı vəziyyətdə olan divar avtomobilin üzərinə aşıb. Hadisə zamanı xəsarət alan olmayıb. Nəqliyyat vasitəsinin motorxanasına və alın şüşəsinə ciddi ziyan dəyib. Hadisə ilə bağlı aidiyyəti qurumlara məlumat verilib.

Faktla bağlı araşdırma aparılır.