Bakıda güclü külək su çənini binanın damından avtomobilin üstünə atdı - FOTO

Bakıda müşahidə edilən güclü külək fəsadlar törədir. Publika.az xəbər verir ki, bu gün güclü külək Yeni Günəşli qəsəbəsində 9 mərtəbəli binanın damında quraşdırılmış plastik su çənini yerə atıb. Küləyin təsiri nəticəsində yerindən oynayan su çəni daha sonra həyətə yuvarlanıb. Çən həyətdə park edilmiş "Mitsubishi Outlander” markalı minik avtomobilinin üstünə düşüb. Nəticədə avtomobil şüşələri qırılıb, ban hissəsi tamamilə əzilib.
Xoşbəxtlikdən hadisə vaxtı maşında heç kim olmayıb.