Bakıda işlək işıqforun qarşısına yenisi quraşdırılıb - VİDEO

Bakıda bir işıqfor digərinin qarşısında quraşdırılıb. Avtosfer.az Xezerxeber.az-a istinadən məlumatına görə, söhbət paytaxtın Xətai prospekti ilə Əbdüləzəl Dəmirçizadə küçələrinin kəsişməsindən gedir. Bu yola bir müddət əvvəl yeni işıqfor quraşdırılmasına baxmayaraq, hələ tam işlək vəziyyətə gətirilməyib. Məsələ burasındandır ki, yeni işıqfor köhnə, yəni hazırda işləyən işıqforun düz qarşısında quraşdırılıb və bu da köhnə işıqforun aydın görünməsinə mane olur. Məsələ ilə bağlı Bakı Nəqliyyat Agentliyindən bildirildi ki, yeni işıqfor həyata keçirilməkdə olan kompleks layihə çərçivəsində quraşdırılıb və hazırda test rejimindədir. Yaxın günlərdə yeni işıqfor tam işə salınacaq və köhnəsi yoldan götürüləcək.