Bakıda “lipa nömrə” dələduzluğu ilə məşğul olanlar İFŞA EDİLDİ - FOTO

Son günlər sosial şəbəkə platforması “TikTok”da “lipa nömrə satışı” adı altında fəaliyyət göstərən bir sıra səhifələr və istifadəçilər tərəfindən dələduzluq halları müşahidə olunur. 

Avtosfer.az xəbər verir ki, həmin səhifələr alıcılarla əlaqə yaradaraq məhsul satışı təklifi edirlər. Onlar alıcılardan əvvəlcədən ödəniş tələb edir, lakin pulu aldıqdan sonra nə məhsulu göndərir, nə də əlaqəyə çıxırlar. Daha sonra isə alıcıları bloklayaraq izlərini itirirlər.

Bu hallar açıq dələduzluq kimi qiymətləndirilir. Mütəxəssislər xəbərdarlıq edirlər ki, istifadəçilər bu cür “satış” adı altında fəaliyyət göstərən səhifələrə inanmasınlar, xüsusilə də əvvəlcədən ödəniş etməsinlər. Ödəniş etməzdən əvvəl satıcının etibarlılığını yoxlamaq, rəsmi səhifələrdən və ya tanınmış onlayn ticarət platformalarından alış-veriş etmək daha təhlükəsizdir.

Qeyd edək ki, son aylarda sosial şəbəkələrdə bu kimi dələduzluq hallarının sayı artmaqdadır.

Eltac Zülfüqaroğlu