Bakıda marketin qarşısında 50-55 yaşlı kişinin meyiti tapılıb

Bakıda küçədən meyit tapılıb. Avtosfer.az-ın Trend-ə istinadən məlumatına görə, hadisə paytaxtın Binəqədi rayonu ərazisində baş verib. Fevralın 9-da gecə saatlarında Binəqədi rayonu, Biləcəri qəsəbəsində "Army Market"in qarşısında təxminən 50-55 yaşlı naməlum kişi meyiti tapılıb. Meyitin üzərinə baxış keçirilərkən zorakılıq və xəsarət izləri aşkarlanmayıb. Polis və prokurorluq orqanlarının əməkdaşları hadisə yerinə və meyitə baxış keçirib, məhkəmə-tibbi ekspertizası təyin edilib. Hazırda meyitin şəxsiyyəti və ölüm səbəbləri araşdırılır.