Bakıda Texniki Universitetin tələbəsini maşın vurub – FOTO

Bakıda avtomobillə vurulan tələbənin adı məlum olub. Avtosfer.az-ın ONA-ya istinadən məlumatına görə, xəsarət alan şəxsin, Texniki Universitetin III kurs tələbəsi, 1999-cu il təvəllüdlü Şahbazlı İlkin Bəxtiyar oğlu olması müəyyən edilib. Şahidlərinin sözlərinə görə, İ.Şahbazlı yol kənarında saxladığı şəxsi avtomobilinə minmək istəyərkən maşın onu vurub. Faktla bağlı araşdırma aparılır.

***

Saat 14:41

Paytaxtın Yasamal rayonu, Hüseyn Cavid prospektində yol-nəqliyyat hadisəsi baş verib. “Chrysler” markalı maşın yolun kənarı ilə gedən Azərbaycan Texniki Universitetinin III kurs tələbəsini vurub. Ağır xəsarətlər alan piyada xəstəxanaya yerləşdirilib. ONA-nın sorğusuna cavab olaraq Səhiyyə Nazirliyindən bildirilib ki, xəstə reanimasiyaya yerləşdirilib, vəziyyəti orta-ağır qiymətləndirilir.