Bakıda yaşayış binası yanır – VİDEO

Bakıda yaşayış kompleksində baş verən yanğın davam edir. Avtosfer.az xəbər verir ki, ONA-nın hadisə yerində olan əməkdaşının verdiyi məlumata görə, Səfahət Mehdiyev küçəsində yerləşən 24 mərtəbəli  yaşayış kompleksində baş verən yanğının söndürülməsinə 5 yanğınsöndürən maşın cəlb edilib. Yanğın baş verən binanın sakinləri təxliyə edilir. Yanğınla bağlı əraziyə 5 təcili tibbi yardım briqadası cəlb olunub. Səhiyyə Nazirliyinin mətbuat xidmətinin əməkdaşı Səfayə Əhmədovanın verdiyi məlumata görə, hadisə yerində tüstüdən zəhərlənmiş bir neçə nəfərə ilkin tibbi yardım göstərilib, onların həyati təhlükəsi yoxdur.

Saat 13:15

***

Bakıda yaşayış binası yanır. Hadisə paytaxtın Yasamal rayonu, “Lider” televiziyasının yaxınlığında qeydə alınıb. Yanğının söndürülməsinə Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri cəlb edilib.