Bakıda yataqxanada yanğın: ölü və yaralılar var

Nərimanov rayonunda beşmərtəbəli yataqxana binasının 4-cü mərtəbəsindəki mənzildə yanğın baş verib. Avtosfer.az-ın FHN-in saytına istinadən xəbər verir ki, nazirliyin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub. Yanğın yanğından mühafizə bölmələri tərəfindən söndürülüb və təxirəsalınmaz tədbirlər görülür.

***

Report-un məlumatına görə, Nərimanov rayonunda, Malik Məmmədov 12 ünvanında, 23:30 radələrində, məcburi köçkünlərin məskunlaşdığı yataqxana binasının 4-cü mərtəbəsində qeydə alınan yanğın zamanı 5 nəfər tüstüdən boğulub və ya açıq alovdan yanıq xəsarəti alıb. Yaralılar xəstəxanaya yerləşdirilib. Tüstüdən boğulanlardan biri xəstəxanada ölüb.