Bakının 6 rayonunda yollar təmir olunacaq - SİYAHI

Bakıda yol infrastrukturunun yaxşılaşdırılması istiqamətində növbəti mərhələyə start verilir. Bu barədə Avtosfer.az-a Azərbaycan Avtomobil Yolları Dövlət Agentliyindən məlumat verilib. Qeyd olunub ki, vətəndaşların rahat və təhlükəsiz hərəkətinin təmin olunması məqsədilə paytaxtın inzibati rayonları üzrə təmirə ehtiyacı olan küçə və prospektlərdə kompleks təmir-bərpa işlərinin aparılması nəzərdə tutulur. İlkin mərhələdə Nərimanov, Yasamal, Səbail, Nəsimi, Xətai və Nizami rayonlarında yerləşən bir sıra küçə və prospektlərdə təmir işlərinə başlanılması planlaşdırılır.

Təmir işlərinin aparılacağı küçə və prospektlər aşağıdakılardır:

Xətai rayonu:

- Qədir Məmmədov küçəsi;

- Abdulla Rəhimov küçəsi;

- Kamandar Rəhimov küçəsi;

- Sergey Senyuşkin küçəsi;

- Rövşən Əliyev küçəsi.

Nizami rayonu:

- Qara Qarayev prospektində yan yol;

- Cəmşid Naxçıvanski küçəsi (8-ci kilometr bazarının sağ və sol tərəfi);

- Əliağa Kürçaylı küçəsi;

- 4-cü Köndələn küçəsi.

Səbail rayonu:

- "Gülüstan" sarayına gedən yol;

- Şeyx Şamil küçəsi;

- Bünyad Sərdarov küçəsi;

- Əlibəyov qardaşları küçəsi.

Nəsimi rayonu:

- Abbasqulu ağa Bakıxanov küçəsi (Rəşid Behbudov küçəsindən Ceyhun Hacıbəyli küçəsinədək);

- Səməd Vurğun küçəsi (Füzuli küçəsindən Abbasqulu ağa Bakıxanov küçəsinədək);

- Füzuli küçəsi (Azadlıq prospektindən Rəşid Behbudov küçəsinədək);

- Asif Məhərrəmov küçəsi.

Nərimanov rayonu:

- Ceyhun Hacıbəyli küçəsi (Hənifə Ələsgərov küçəsindən Mixail Kaveroçkin küçəsinədək);

- Baksol yolu (Ziya Bünyadov prospektindən Azadlıq prospektinədək).

Yasamal rayonu:

- Hüseyn Cavid prospekti (Seyfəddin Dağlı küçəsindən Mikayıl Müşfiq küçəsinədək);

- Hüseyn Cavid prospekti (Landau küçəsindən Ə.Haqverdiyev küçəsinədək);

- Ayna Sultanova küçəsi;

- Şeyx Məhəmməd Xiyabani küçəsi;

- Xarici Dairəvi yolun Şamaxı istiqamətində yan yolu.

Qeyd edək ki, təmir işlərinə yaxın müddətdə başlanılması planlaşdırılır. Məqsəd paytaxt yollarının vəziyyətinin yaxşılaşdırılması, nəqliyyatın hərəkət rahatlığının artırılması və yol hərəkəti iştirakçılarının təhlükəsizliyinin təmin edilməsidir.