Bakının mərkəzində yol çökür; aidiyyəti qurumlar nəyi gözləyir? - FOTO

Paytaxtın mərkəzi küçələrindən biri olan Dilarə Əliyeva küçəsində, Səməd Vurğun bağı ilə üzbəüz ərazidə yolun səthi çöküb. 

Avtosfer.az xəbər verir ki, sakinlərin bildirdiyinə görə, sürücülər və piyadalar üçün ciddi təhlükə yaradan bu vəziyyət xüsusilə axşam saatlarında qəza riskini artırır.

Ərazidən keçən avtomobillərin ağırlığı altında yolun daha da zədələnməsi ehtimalı var. Yerli sakinlər və sürücülər aidiyyəti qurumlardan xahiş edirlər ki, problemə vaxtında müdaxilə olunsun və çökmə daha ciddi fəsadlara yol açmamışdan öncə aradan qaldırılsın.

Eltac Zülfüqaroğlu