Bakıya 300 ədəd yeni avtobus gətiriləcək

Bakı Nəqliyyat Agentliyi (BNA) tərəfindən alınan 300 ədəd yeni avtobusun bu ilin iyun ayından etibarən Bakıya gətirilməsinə başlanılacaq. Avtosfer.az xəbər verir ki, bu barədə Bakı Nəqliyyat Agentliyinin ictimaiyyətlə əlaqələr və maarifləndirmə şöbəsinin müdiri Mais Ağayev məlumat verib.

O bildirib ki, tezliklə Bakıətrafı qəsəbələr və kəndlər üzrə hərəkət edən avtobuslar yeniləri ilə əvəz olunacaq, sərnişin daşınması üçün yararsız olan bütün avtobuslar xətdən çıxarılacaq.

M.Ağayevin sözlərinə görə, artıq BNA tərəfindən 300 ədəd müasir, komfortlu avtobus alınıb və iyun ayından etibarən paytaxta gətiriləcək. Bu avtobuslar sərnişinlərin daha çox narazı olduğu marşrut xətlərinə veriləcək. Agentlik tərəfindən qoyulan tələblərin əməl edilmədiyi marşrut xətlərində əvəzlənmələr aparılacaq.