Bərdədə polis əməkdaşı güllə yarası alıb

Bərdədə polis əməkdaşı güllə yarası ilə xəstəxanaya yerləşdirilib. Avtosfer.az-ın ONA-ya istinadən xəbərinə görə, hadisə bu gün səhər saatlarında qeydə alınıb. 1994-cü il təvəllüdlü Mehdiyev Fərid Hümbət oğlu sol əlinin üst nahiyəsi və mil-bilək oynağı nahiyəsində odlu silah yarası ilə Bərdə Mərkəzi Rayon Xəstəxanasına çatdırılıb. F.Mehdiyev ilkin ifadəsində tabeliyində olan silahla ehtiyatsız davrandığı zaman güllə yarası alıb. Faktla bağlı araşdırma aparılır.