Beş il əvvəl Azərbaycan Ordusu Hadruta belə girdi – VİDEO

Bu gün oktyabrın 9-u, 44 günlük Vətən Müharibəsinin ən yadda qalan günlərindən birinin ildönümüdür.

Avtosfer.az xəbər verir ki, məhz bu tarixdə Azərbaycan Ordusu Hadrut qəsəbəsini düşmən işğalından azad edib. Hadrutun azad edilməsi döyüşlərin gedişində mühüm strateji əhəmiyyət kəsb edib və müharibənin taleyini dəyişən dönüş nöqtələrindən biri kimi tarixə düşüb.

Həmin döyüşlərdə böyük şücaət göstərən igidlərimizdən biri də jurnalist Xalid Ağaliyev olub. O, bu gün öz sosial şəbəkə hesabında 5 il öncə Hadruta daxil olan Azərbaycan əsgərlərinin görüntülərini paylaşıb.

Görüntülərdə Azərbaycan əsgərlərinin qəsəbəyə daxil olduğu anlar, yüksəklərə sancılan üçrəngli bayrağımız və döyüşçülərin qələbə sevinci əks olunub.

Eltac Zülfüqaroğlu