Biləsuvarda 30 yaşlı kişi evinin qarşısında bıçaqlandı

Biləsuvar rayonunda bıçaqlanma hadisəsi baş verib. Avtosfer.az-ın Trend-ə istinadən məlumatına görə, hadisə rayonun Təyyarə meydanı adlanan ərazisində baş verib. Həmin ərazidə yaşayan, 1989-cu il təvəllüdlü Məmmədov Əbil Əlizadə oğlu küçədə bıçaq xəsarətləri ilə aşkarlanaraq xəstəxanaya yerləşdirilib.

Aparılan araşdırmalarla müəyyən edilib ki, Cəlilabad rayonunun Üçtəpə kənd sakini, 1989-cu il təvəllüdlü Kərimov Seymur Yarməmməd oğlu Ə.Məmmədovun yaşadığı məhəlləyə gələrək ona şəxsi münasibətlər zəminində 2 bıçaq zərbəsi vurub və hadisə yerini tərk edib.

Faktla bağlı Biləsuvar rayon Polis Şöbəsində Cinayət Məcəlləsinin 126.1-ci maddəsilə cinayət işi başlanıb, hadisəni törədən S.Kərimov şübhəli şəxs qismində tutulub.