"Biz uşaqları yox, valideynləri tərbiyə etməliyik" - Ekspert

"Məktəbin giriş qapısının ağzında avtomobil saxlayan valideyn övladına qayğı göstərən biri deyil, cəmiyyətə hörmətsizlik edən, pis nümunə olan biridir".

Avtosfer.az xəbər verir ki, bunu təhsil eksperti Kamran Əsədov deyib. O bildirib ki, məktəblərin qarşısında, xüsusən də şagirdlərin hərəkət etdiyi ərazilərdə dayanma və durma qadağan olunmalıdır:

"Kamera quraşdırılıb, qaydanı pozanlara cərimə tətbiq edilməlidir. 100 metr kənarda maşını saxlayıb, piyada övladını məktəbə aparmaq istəmirsiniz. Yolun ortasında maşını atıb məktəbə daxil olan valideynin hərəkəti yüzlərlə insana mane olur. Məktəb ölkədə ən təhlükəsiz yerlərdən biridir. Uşağını məktəbə buraxmaq üçün edilən bu tərbiyəsizlik digərlərinə narahatlıq yaradır. Biz uşaqları yox, valideynləri tərbiyə etməliyik".