BTQ-nin Gürcüstan hissəsi ilə 55 min tondan çox yük daşınıb

Ötən il sentyabrın 1-dən etibarən bu günə qədər Bakı-Tbilisi-Qars dəmir yolunun Gürcüstan hissəsi ilə 1 698 yük vaqonu daşınıb. Avtosfer.az “Report”a istinadən xəbər verir ki, bu barədə Gürcüstanın baş naziri Mamuka Baxtadzenin parlamentə təqdim etdiyi illik hesabatda bildirilib. Sənədə əsasən, Marabda-Kartsax dəmir yolu hissəsində daşınan yük vaqonlarının 711-i Azərbaycandan, 987-si isə Türkiyədən daxil olub. Yüklərin ümumi həcmi 55 255 ton təşkil edib. Azərbaycandan nəql olunan yüklərin həcmi 23 775 ton, Türkiyədən Azərbaycana daşınan yüklərin həcmi isə 31 480 ton olub.