Bu ölkədə 18 yaşdan kiçiklərə elektrikli skuter qadağan EDİLDİ

İrlanda hökuməti uşaqlar arasında baş verən qəzaların və travmatik beyin zədələrinin artması səbəbindən 18 yaşdan aşağı şəxslərin elektrikli skuter idarə etməsini qadağan edib.

Avtosfer.az xəbər verir ki, yeni qaydalara əsasən, qadağa avqust ayından qüvvəyə minəcək. Bununla yanaşı, elektrikli skuter istifadə edən bütün şəxslər üçün qoruyucu dəbilqə və yüksək görünən əks etdirici jilet geyinmək məcburi olacaq.

Səlahiyyətli qurumlar həmçinin elektrikli skuterlərin satışının tamamilə qadağan olunması imkanını da nəzərdən keçirirlər. Bununla yanaşı, elektrikli skuterlərin nəqliyyat vasitəsi kimi təsnifləşdirilməsi, onların idarə olunması üçün sürücülük vəsiqəsi və dövlət qeydiyyatının tələb edilməsini nəzərdə tutan yeni qanun layihəsi hazırlanır.

Eltac Züıfüqaroğlu