Bu zibili hansı jurnalist atıb? - FOTO

Bakının Səbail rayonunda yerləşən və jurnalistlərə mənzillər verilən binanın həyətində qəribə hadisə baş verib. Avtosfer.az-ın “Qafqazinfo”ya istinadən verdiyi xəbərə görə, binada yaşayan kimsə həyətdə park vəziyyətində olan maşının üstünə zibil paketləri atıb. Bu barədə həmin binada yaşayan jurnalist Jalə Mütəllimova məlumat paylaşıb. O bildirib ki, hadisə "C" blokunun qarşısında baş verib: “Bu, bir dövlət mükafatçısının digər dövlət mükafatçısının əmlakına münasibətidir. Və bu, adına seçilmiş jurnalist sözü yaraşmayan birinin, ya da ailə üzvlərindən hansınınsa əməlidir”.