Çində kimya zavodunda partlayış: 640 nəfər xəsarət alıb, onlarla ölən var - VİDEO

Çinin şərqindəki Yançen şəhər dairəsində "Tyançzay" kimya zavodunda baş verən partlayışdan sonra 16 yerli xəstəxanaya 640 nəfər zərərçəkmiş çatdırılıb. Avtosfer.az "Report"a istinadən xəbər verir ki, bu barədə əyalət hökumətinin məlumatında bildirilir.

Qeyd edilir ki, onlar müxtəlif dərəcəli bədən xəsarətləri alıblar. Partlayış zamanı 44 nəfər həlak olub. Yaralılara zəruri tibbi yardım üçün əraziyə 90 tibb maşını, 3,5 min nəfər həkim cəlb edilib. 

***05:43

Çinin şərqindəki Yançen şəhər dairəsində "Tyançzay" kimya zavodunda baş verən partlayış zamanı həlak olanların sayı 44 nəfərə çatıb. Bu barədə şəhər meri Çao Lubao mətbuat konfransında bildirib.  Onun sözlərinə görə, hadisə zamanı onlarla insan xəsarət alıb. Yaralılardan 32-i kritik, 58-i ağır vəziyyətdədir.

***05:32

Çinin şərqindəki Yançen şəhər dairəsində kimya zavodu ərazisində baş verən partlayış zamanı azı 12 nəfər həlak olub. Bu barədə Çinin Mərkəzi Televiziyası məlumat yayıb. Qeyd edilir ki, hadisə zamanı daha 76 nəfər müxtəlif dərəcəli xəsarətlər alıb.

Partlayış nəticəsində ümumilikdə 88 nəfər zərər çəkib. Onlardan 12-i ölüb.

Bundan əvvəl 6 nəfərin öldüyü, 30 nəfərin xəsarət aldığı bildirilib.