Çingiz Qənizadə seçicilərlə görüşlərini davam etdirir

Milli Məclisin deputatı Çingiz Qənizadə 80 saylı İmişli- Beyləqan seçki dairəsinə daxil olan İmişli rayonunun Qaralar kəndində seçiciləri ilə görüş keçirib. Deputatla görüş zamanı kənd sakinlərinin bir neçə xahişi də olub. Seçicilər kəndə verilən qazın təyiqinin aşağı olmasından şikayət ediblər. Daha sonra sakinlər Qaralar kəndinin yaxınlığındakı su nasosunun quraşdırılması ilə bağlı da məsələyə diqqət çəkiblər. Belə ki, deputatdan su nasosunun quraşdırılmasına yardımçı olmasını xahiş ediblər. Parlament üzvü, görüş zamanı ölkədəki ictimai-siyasi durum, cənab prezidentin son aylarda atdığı addımlar, Dağlıq Qarabağ məsələsi barədə fikir mübadiləsi aparıb.

Kənd sakinlərinin kəndlə bağlı ümumi problemlərini dinlədikdən sonra, sakinləri fərdi qaydada qəbul edərək şikayətlərini qeyd edib. Sonda deputat hər bir şikayəti araşdıracağına, maksimum imkanı daxilində kömək edəcəyinə söz verib.