Dağıstanda kütləvi zəhərlənmə

Dağıstanda kütləvi zəhərlənmə olub. Avtosfer.az oxu.az-a istinadən xəbər verir ki, Leninaul kəndinin 60 sakini tibb müəssisələrinə müraciət ediblər. Onların hamısında kəskin bağırsaq infeksiyası əlamətləri müşahidə olunub.

Nəticədə 15 nəfər, o cümlədən 11 uşağın xəstəxanaya yerləşdirilməsi qərara alınıb. Digərləri isə ambulator müalicə alır. Hazırda “Rospotrebnadzor” infeksiyanın yayılmasının səbəbini müəyyənləşdirir. İnfeksiyanın su vasitəsi ilə yayıla biləcəyi istisna olunmur.