Daha bir büdcə təşkilatı son model xidməti minik avtomobil aldı
Gündəm
19 Yanvar 2019 07:08
Oxunub 1889
47 900 manata son model “Hyundai Sonata"
Dövlət Statistika Komitəsi nəzdində Elmi-Tədqiqat və Statistik İnnovasiyalar Mərkəzi xidməti minik avtomobilinin alınmasına dair “Auto Azərbaycan” MMC ilə müqavilə imzalayıb.
“Finans.az”ın əldə etdiyi məlumata əsasən, bu satınalma müqabilində büdcə təşkilatı “Auto Azərbaycan”a 47 900 manat ödəyib.
Qeyd edək ki, cəmiyyət “Hyundai” markasının Azərbaycandakı rəsmi distribyutorudur. “Auto Azərbaycan”ın rəsmi veb səhfəsində göstərilən modellərin sırasında 47 900 manata son model “Hyundai Sonata" təklif olunur.
Xatırladaq ki, ötən ilin noyabr ayında Ekologiya və Təbii Sərvətlər Nazirliyinin təsis etdiyi “Təhlükəli Tullantılar” MMC 1 ədəd “Toyota Land Cruiser 200” avtomobilinin alınması üçün “Toyota-Bakı Mərkəzi”nə 140 min manat, Sumqayıt Dövlət Universiteti isə “Toyota Abşeron Mərkəzi”nə 1 ədəd “Toyota Avalon” avtomobilinin alınmasına 116 min manat ödəyib.
ŞƏRH YAZ
DİGƏR XƏBƏRLƏR
