Daha bir prospektə velosiped zolağı çəkildi – FOTO

Bakıda velosiped sürücülərinin təhlükəsiz və rahat hərəkəti üçün infrastruktur genişləndirilir.

Avtosfer.az xəbər verir ki, pataxtın Hüseyn Cavid prospektinin daha bir hissəsində yeni velosiped zolağı salınıb.

Artıq prospektin həmin hissəsində velosipedçilərin avtomobil yolu ilə qarışmadan hərəkət edə bilməsi üçün xüsusi nişanlama işləri aparılıb, zolaqların kənarlarına təhlükəsizlik xətləri çəkilib. Bu addım həm şəhərdə ekoloji nəqliyyatın inkişafına, həm də yol hərəkəti təhlükəsizliyinin artırılmasına xidmət edir.

Qeyd edək ki, son illər paytaxtın bir sıra küçə və prospektlərində velosiped zolaqlarının yaradılması istiqamətində işlər görülür. Layihənin məqsədi velosiped istifadəsini təşviq etməklə yanaşı, piyadalar və sürücülər üçün yol hərəkətinin daha səliqəli və təhlükəsiz təşkil olunmasıdır.

Azərbaycan Yerüstü Nəqliyyat Agentliyidən (AYNA) bildirilib ki, daha öncə Hüseyn Cavid prospektində təşkil edilən və Məmməd Rahim, Bəxtiyar Vahabzadə küçələri, eləcə də Mətbuat prospekti ilə əlaqələndirilən mikromobillik şəbəkəsi Bəxtiyar Vahabzadə küçəsi ilə kəsişmədən Əbdürrəhim bəy Haqverdiyev küçəsinə qədər uzadılıb.

Eltac Zülfüqaroğlu