Daxili Qoşunlar avtomobillərini satışa çıxardı

Əmlak Məsələləri Dövlət Komitəsi 16 iyul tarixində avtomobil hərracı keçirəcək. Avtosfer.az Axar.az-a istinadən xəbər verir ki, hərraca çıxarılan 14 avtomobildən 8-i DİN Daxili Qoşunların Baş İdarəsinə məxsusdur. Hərraca çıxarılanlar “Ural”, “Zil”, “Kamaz”, UAZ və MAZ markalı avtomobillərdir. Satışa çıxarılanlar arasında hətta 1986-cı il istehsalı olan maşınlar da var. Auksionun ən ucuz qiymətə təqdim edilən avtomobili UAZ-31512-dir. Onun qiyməti 1800 manatdan başlayır. 1986-cı il istehsalı olan URAL-4320 markalı avtomobil isə 4500 manata satışa çıxarılıb. Bundan başqa Baş Prokurorluq, Təhsil Nazirliyi, Statistika İdarəsinin də avtomobilləri hərraca çıxarılıb.