Dəniz vasitəsilə gətirilən 710 kq tiryək aşkarlanıb

İranın cənubunda yerləşən Buşehr vilayətində 710 kiloqram tiryək aşkarlanıb. Avtosfer.az-ın Trend-ə istinadən məlumatına görə, bunu İranın Buşehr vilayəti hüquq-mühafizə idarəsinin rəisi Xəlil Vaezi deyib.

X.Vaezinin sözlərinə görə, narkotik vasitə dəniz vasitəsi ilə İrana gətirilib.

Polis rəisi əməliyyat nəticəsində bir nəfərin saxlanıldığını bildirib: “Bundan əlavə ötən 10 gün ərzində vilayətdə 1 ton narkotik maddə aşkar edilib, 13 nəfər və 8 avtomobil saxlanılıb”.