Dominikanda yüngülmühərrikli təyyarə radarlardan itib

Dominikan Respublikasında göyərtəsində 4 nəfərin olduğu yüngülmühərrikli təyyarə radarların ekranından yoxa çıxıb. Avtosfer.az APA-ya istinadən xəbər verir ki, bu barədə “Prensa Latina” agentliyi məlumat yayıb. Bildirilir ki, Baraona əyalətinin Mariya-Montes hava limanından havaya qalxdıqdan yarım saat sonra təyyarənin ekipaj üzvü dispetçerlərlə rabitə əlaqəsini dayandırıb. Dominikan mülki aviasiya institutu ölkənin hərbi qurumunun dəstəyi ilə təyyarənin axtarışlarına başlayıb.