Elektrik enerjisinin verilişində fasilə 280 min sərnişinə problem yaradıb

Fevralın 25-də Tokioda elektrik enerjisinin verilişində fasilə dəmir yolu nəqliyyatının hərəkətində problem yaradıb. Avtosfer.az Azərtac-a istinadən xəbər verir ki, nəticədə Tokio ilə Çiba prefekturası arasında qatarların hərəkətində dörd saat fasilə yaranıb. Bu da 280 min sərnişinin stansiyalarda qalmasına səbəb olub. Bildirilir ki, elektrik enerjisi ilə bağlı problem səhər saat 5-dən sonra Çuo və Sobu xətlərindəki dörd stansiyada hərəkətin dayanmasına səbəb olub. Digər xətlərdə də problemlər yaşandığı qeyd edilir.

“East Japan Railway” şirkətindən bildirilib ki, enerjinin verilişində fasilələrə səbəb “Suidobaşi” və “İidabaşi” stansiyaları arasında körpüdəki kabellərin sıradan çıxması ilə bağlı olub.