Əlverişsiz hava səbəbindən Pekin hava limanında 111 reys təxirə salınıb

Çin paytaxtında müşahidə olunan güclü külək və şiddətli yağış səbəbindən Pekin "Paytaxt" beynəlxalq hava limanından 111 uçuş təxirə salınıb və ya gecikib. Avtosfer.az Azərtac-a istinadən xəbər verir ki, Pekin meteorologiya bürosu mayın 25-də gözlənilən pis hava şəraiti ilə əlaqədar xəbərdarlıq yaymışdı. Əlverişsiz hava şəraiti ilə əlaqədar dəmir yolu nəqliyyatında da ləngimələr yaranıb. Bəzi istiqamətlər üzrə qatarların sayı azaldılıb.