Əsirlikdən qayıdan pilot bığları ilə məşhurlaşdı – FOTO

Pakistandan əsirlikdən qayıdan hind pilot qısa zamanda məşhurlaşıb. Amma Abhinandan Vartamanın məşhurlaşmasında bığlarının forması daha böyük rol oynayıb.

Avtosfer.az bizimyol.info-ya istinadən xəbər verir ki, indi Hindistanda sosial şəbəkələrdə təyyarəçinin uzun bığları çox müzakirə olunur. Hətta onun bığ forması trendə çevrilib. Ölkədə xeyli adam belə bığ saxlamağa başlayıb. Vartaman o qədər məşhurlaşıb ki, onu hətta tanınmış süd məhsulları şirkəti olan “Amul”un reklam çarxına da çəkiblər.

Abhinandanın təyyarəsini fevralın 27-də mübahisəli ərazi sayılan Kəşmirdə pakistanlılar vurmuşdu. Hind pilot əsir düşərkən yanında olan gizli sənədləri yeməyi bacarmışdı. Buna görə ona ölkədə xüsusi pərəstiş edirlər.

Vartaman əsirlikdə cəmi bir gün keçirmişdi. Ertəsi gün Pakistan pilotu geri qaytarmaq qərarına gəlmişdi. Onda bu ölkənin baş naziri İmran Xan addımlarını sülh jesti adlandırmışdı.

ı.