Evdən 7000 manatlıq qızıl-zinət əşyaları oğurlanıb
Gündəm
28 Fevral 2019 19:55
Oxunub 824

Faktla bağlı araşdırma aparılır
Saatlı rayonunda qohumunun evindən oğurluq edən şəxs saxlanılıb. Bu barədə DİN-in Mətbuat xidmətinin Şirvan şəhər regional qrupundan Avtosfer.az-a məlumat verilib.
Belə ki, Saatlı rayonunun Dədə Qorqud kənd sakini olan bir qadın fevralın 27-də rayon polis şöbəsinə ərizə ilə müraciət edərək ona məxsus 7000 manatlıq qızıl-zinət əşyalarının oğurlandığını bildirib.
Saatlı RPŞ-nin əməkdaşlarının “isti izlər”lə keçirdikləri əməliyyat-axtarış tədbirləri ilə oğurluğu törətməkdə şübhəli bilinən Dədə Qorqud kənd sakini Roman Cahangirov saxlanılıb.
Dindirilmə zamanı saxlanılan şəxs törətdiyi cinayət əməlini etiraf edib.
Faktla bağlı Saatlı RPŞ-nin İstintaq bölməsində araşdırma aparılır.
ŞƏRH YAZ
DİGƏR XƏBƏRLƏR













